Sumqayıt şəhərinin 76-cı məhəlləsində yaşayan sakinlər uzun illərdir ciddi kanalizasiya problemi ilə üzləşdiklərini bildirirlər.
Sumqayit24.az-a müraciət edən vətəndaşların sözlərinə görə, əraziyə kanalizasiya xətti çəkilmədiyi üçün yaşayış evlərinin yaxınlığından keçən kanala çirkab suları axıdılır. Bundan əlavə, şikayətçilər iddia edirlər ki, yaxınlıqda yerləşən istehsalat müəssisələri də yaranan çirkab sularını həmin kanala yönləndirirlər. Bu vəziyyətin həm antisanitar şərait yaratdığı, həm də sakinlərin gündəlik həyatını çətinləşdirdiyi bildirilir.
Sakinlər qeyd ediblər ki, yağışlı havalarda vəziyyət daha da ağırlaşır. Kanalın daşması nəticəsində ətraf ərazilər su altında qalır, yağış suları həyətlərə, zirzəmilərə və yollara dolaraq hərəkəti məhdudlaşdırır. Nəticədə əmlaka ziyan dəyir və ümumilikdə sakinlərin yaşayış şəraiti çətinləşir.
Vətəndaşlar aidiyyəti qurumlardan mövcud problemin araşdırılmasını və həllini tələb edirlər.
Məsələ ilə bağlı aidiyyəti quruma sorğu ünvanlanıb.
