Xəbər verdiyimiz kimi, Sumqayıtda ikimərtəbəli fərdi yaşayış evində yanğın baş verib.
Hadisə Xəzər bağları yaşayış massivində qeydə alınıb və evdə olan ana və qızı tüstüdən zəhərlənərək xəstəxanaya yerləşdirilib.
Sumqayit24.az-ın sorğusuna TƏBİB-dən bildirilib ki, 05.05.2025-ci il tarixində saat 14:10 radələrində Sumqayıt Tibb Mərkəzinin Təcili Tibbi Yardım Xəstəxanasına 2 nəfər (qadın) hospitalizasiya olunub.
"Stresə qarşı kəskin reaksiya diaqnozu təyin edilən pasiyentlərə zəruri tibbi xidmətlər göstərilib. Vəziyyəti qənaətbəxş qiymətləndirilən şəxslər ambulator müalicə üçün evə buraxılıblar", - deyə məlumatda qeyd olunub.
***
Sumqayıtda ikimərtəbəli fərdi yaşayış evində yanğın baş verib.
Report.az-ın məlumatına görə, hadisə Xəzər bağları yaşayış massivində qeydə alınıb.
Əraziyə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və xüsusi texnikaları cəlb olunub. Alov qısa müddətdə söndürülüb və yanğının ətraf tikililərə keçməsinin qarşısı alınıb.
Hadisə zamanı evdə olan ana və qızı tüstüdən zəhərlənərək xəstəxanaya yerləşdirilib.
Faktla bağlı araşdırma aparılır.
Video: Şəmistan Fikrətli
