Sumqayıtda “İlk yardımda - Gənc məsuliyyət” layihəsi başlayıb. Sumqayıt24 bu haqda 5 avqust tarixində xəbər verir.
Sözügedən proqram Gənclər Fondunun "İdeyanı reallaşdır – 2023" gənclərin fərdi layihələri üzrə qrant müsabiqəsinin qalibi seçilib.
Gənclər Fondunun maliyyə dəstəyi, Abşeron–Xızı Regional Gənclər və İdman İdarəsinin, Qızıl Aypara Cəmiyyətinin Sumqayıt bölməsinin və GİKM-in Abşeron–Xızı nümayəndəliyinin təşkilatçılığı ilə birinci qrup gənclərə seminar keçirilib. Onlara ilkin yardım anlayışlarının gənclərə aşılanması, ilkin yardımın göstərilməsi, təcili tibbi yardım briqadasına qədər ilk yardımı göstərərək insan həyatının xilas edilməsindən danışılıb. İnteraktiv müzakirələr aparılıb.
Layihənin növbəti mərhələsi avqustun 11-də baş tutacaq.
