2026-2027-ci tədris ili üzrə lisey və gimnaziyalara qəbul üzrə qeydiyyat müddəti uzadılıb.
Sumqayit24.az xəbər verir ki, bu barədə Təhsil İnstitutunun Mətbuat xidməti məlumat yayıb. Bildirilib ki, çoxsaylı müraciətlər nəzərə alınaraq lisey və gimnaziyalara qəbul üzrə qeydiyyat müddəti 21 iyun saat 15:00-dək uzadılıb.
Qeydiyyatdan keçmək üçün valideynlər (və ya qanuni nümayəndələr) şəxsi kabinetlərində "Sorğu yerləşdir" bölməsinə daxil olaraq öncə "Mərkəzi imtahanla qəbul" düyməsini, sonra isə imtahan keçiriləcək mərkəzi və müvafiq məlumatları seçməlidirlər.
Sumqayıtda mərkəzləşdirilmiş qaydada qəbul aparılacaq gimnaziya və liseylərin siyahısı:
Sumqayıt şəhəri Nizami Gəncəvi adına texniki və təbiət elmləri liseyi;
Sumqayıt şəhəri "Təfəkkür" liseyi;
Sumqayıt şəhəri təbiət elmləri təmayüllü gimnaziya;
Sumqayıt şəhəri humanitar və təbiət-riyaziyyat təmayüllü "İstedad" liseyi.
