Sumqayıtda sahibsiz itlərin güllələndiyi iddia olunur.
Sumqayit24.az xəbər verir ki, bu dəfə hadisənin şəhər avtovağzalının yaxınlığında baş verdiyi bildirilir. Məlumata görə, ərazidə bir neçə itin güllələnərək öldürülməsi heyvansevərlərin ciddi narazılığına səbəb olub.
Qeyd edək ki, bu, Sumqayıtda ilk belə hal deyil. Oxşar hadisələr əvvəllər də qeydə alınıb və hər dəfə cəmiyyətdə, xüsusilə heyvansevərlər arasında ciddi etirazlara yol açıb. Vətəndaşlar bildirirlər ki, sahibsiz heyvanlarla bağlı problem varsa, bunun həlli yolu güllələnmə ola bilməz.
Onlar məsələ ilə bağlı aidiyyəti qurumlara çağırış edərək hadisənin araşdırılmasını, günahkarların müəyyən olunmasını tələb edirlər.
