Sumqayıtda təzə evlənən gəncin ailə münaqişəsi qanla bitib.
Demokrat.az-ın əldə etdiyi məlumata görə, 27 yaşlı Turan həyat yoldaşının əmisi Tofiqi döyüb. Hadisə gəlinin anası tərəfindən evdən aparılmasından sonra baş verib.
Təqsirləndirilən şəxs mübahisənin telefon zəngi ilə başladığını bildirib. Turan ifadəsində deyib ki, arvadı ilə arasında ailə münaqişəsi olduğu üçün iyunun 26-da qayınanası Pərvanəni yaşadıqları evdən öz evinə aparıb.
"Ertəsi gün, günorta saatlarında Vəfa ilə telefonla danışarkən Pərvanənin əmisi Tofiq dəstəyi alaraq mənimlə danışdı və söyüş söyməyə başladı. Tofiqin sözlərindən əsəbiləşərək görüşmək istədiyimi dedim və dostum Əlvanla birlikdə onun yaşadığı əraziyə getdik. Biz yolda Tofiqlə görüşdük. Ondan məni niyə söydüyünü soruşdum. O, söyüş söymədiyini bildirdi".
Görüş zamanı gərginlik fiziki qarşıdurmaya çevrilib. Turan qarşı tərəfin hərəkətlərindən şübhələndiyini qeyd edib:
"Mən də Tofiqin cibindən nəsə çıxaracağından narahat olaraq başım ilə, yəni kəllə ilə onun burnundan bir dəfə vurdum. Həmin vaxt yanımda olan dostum və səsə gələn tanımadığım qonşular bizi ayırdılar. Mən də Əlvanla oradan getdim".
Faktla bağlı Cinayət Məcəlləsinin 127.1-ci maddəsi ilə cinayət işi açılıb. Sumqayıt Şəhər Məhkəməsi işə baxaraq maraqlı qərar verib. Belə ki, "Konstitusiya və Suverenlik İli münasibətilə amnistiya elan edilməsi haqqında Milli Məclisinin 19 dekabr 2025-ci il tarixli qərarının 5.1-ci bəndinə əsasən təqsirləndirilən şəxsin barəsində olan cinayət təqibinə xitam verilib.
Turan cinayət məsuliyyətindən azad edilib və onun barəsindəki polisin nəzarəti altına vermə qətimkan tədbiri ləğv olunub.
