Sumqayıt şəhərində fəaliyyət göstərən məktəbin rəhbəri külli miqdarda pul mənimsəyib.
Qafqazinfo.az-ın məlumatına görə, Xocavənd rayon Əmirallar kənd tam orta məktəbinin direktoru Mərkəz Hüseynovun 2023-cü ilədə büdcədən müəllimlərə ayrılmış 71.301 manat vəsaiti ələ keçirdiyi məlum olub.
M.Hüseynov barəsində Cinayət Məcəlləsinin 178.3.2 və 313-cü (külli miqdarda mənimsəmə və vəzifə saxtakarlığı) maddələri ilə iş açılıb.
Məlum olub ki, direktor işə çıxmayan müəllimlərin əməkhaqqı kartlarını özündə saxlayıb və onlara ödənilən pulları nağdlaşdıraraq özünə götürüb. Bundan sonra M.Hüseynov evdə təhsilə cəlb edilən müəllimlərə ödənilən vəsaiti də mənimsəyib.
İstintaq müddətində M.Hüseynov büdcəyə vurulan zərəri qismən ödəyib.
Sumqayıt Ağır Cinayətlər Məhkəməsi onu qeyd edilən maddələr üzrə təqsirli bilib. İşdən çıxarılan direktora sınaq müddəti təyin edilməklə şərti cəza verilib.
