Sumqayıt şəhəri, 17-ci mikrorayon ərazisində yerləşən məktəblərdən birinin yaxınlığında zibil qutularının yanması sakinlərin narazılığına səbəb olub.
Sumqayit24.az-a məlumat verən vətəndaşların sözlərinə görə, artıq neçənci dəfədir ki, həmin ərazidə quraşdırılmış zibil qutuları qəfildən alışır:
"Bilmirik qutular öz-özünə yanır, yoxsa qəsdən yandırılır. Yanğın nəticəsində ətrafa kəskin üfunət qoxusu yayılır, bu isə həm məktəbə gedən şagirdlər, həm də ərazidə yaşayan insanlar üçün ciddi narahatlıq yaradır.
Bunun səbəbinin araşdırılmasını istəyirik".
Məsələ ilə bağlı aidiyyəti qurumların tədbir görməsi və zibil qutularının hansı səbəbdən mütəmadi olaraq yandığının müəyyənləşdirilməsi tələb olunur.
