Sumqayıtda mavi yanacağın verilişində fasilə olacaq.
Sumqayit24.az-a daxil olan məlumata görə, Kimyaçılar qəsəbəsi, Xəzər bağları, Yeni Kotec, Köhnə Kotec, 26-cı məhəllə və Bulvar küçəsi ərazilərində 13 500 abonentin qaz təchizatında müvəqqəti fasilə yaranacaq.
Buna səbəb Səməd Vurğun küçəsində yeraltı polietilen qaz xəttində baş vermiş sızmanın qarşısının alınması məqsədilə aparılan təmir işləridir.
Məlumata görə, qazın verilişi bu gün saat 13:00-dan etibarən işlər yekunlaşanadək dayandırılacaq.
Aidiyyəti qurum sakinlərdən ehtiyatlı olmalarını və yaranmış narahatlığa görə anlayış göstərmələrini xahiş edib.
