Sumqayıtın parkında uşaqlı və sağlamlıq imkanları məhdud şəxslərin rahatlığı nəzərə alınmayıb.
Sumqayit24.az-a müraciət edən şəhər sakinləri bildiriblər ki, Şəhidlər xiyabanından bulvara düşməkdə çətinlik çəkirlər. Səbəb isə məsul qurumların pilləkənlərdə pandsular quraşdırmamasıdır. Uzunluğu 50 metrə çatan pilləkənlərin birində maili müstəvi ümumiyyətlə yoxdur, digərində isə yarımçıqdır.
“Hər dəfə bulvara körpə ilə gələndə yoldaşımla köməkləşərək arabanı qaldırıb düşürürük. Yəni tək olsam bu, qeyri-mümkün olacaq. Üstəlik araba da ağırdır. Bəs əlil arabası ilə olanlar nə etsin? İlk dəfədir ki, belə bir şey görürəm.” – deyə şikayətçilərdən biri vurğulayıb.
