Sumqayıt şəhərində iaşə obyektində yanğın olub.
Sumqayit24.az xəbər verir ki, hadisə 45-ci məhəllə ərazisində yerləşən "Badə" pivəxanasında qeydə alınıb. Əraziyə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları və xüsusi texnikalar cəlb olunub.
Alov qısa müddətdə söndürülüb. Görülən tədbirlər sayəsində yanğının obyektin üzərində yerləşən mənzillərə yayılmasının qarşısı alınıb.
Hadisə yerində polis əməkdaşları tərəfindən təhlükəsizlik tədbirləri həyata keçirilib. Yanğının başvermə səbəbləri araşdırılır.
