Sumqayıt şəhərində yol nəqliyyat hadisəsinin qarşısı son anda alınıb.
Sürətlə hərəkət edən avtomobil piyada keçidindəki vətəndaşı vurmaqdan son anda yayınıb. Hadisə Sülh küçəsində, "Bağça Şəhər" yaşayış kompleksinin qarşısında qeydə alınıb.
Sumqayit24.az-a daxil olan videogörüntülərdən aydın olur ki, gənc oğlan piyada keçidi vasitəsilə yolu qarşı tərəfə keçməyə çalışır. Piyada yolun sonuna çatdıqda, yüksək sürətlə gələn ağ rəngli minik avtomobili qəfil onun yanından keçib.
Sürücünün qırmızı işıqda keçməsi və piyadaya yol verməməsi, həmçinin sürət həddini aşması faciəyə zəmin yaradıb. Ancaq xoşbəxtlikdən piyada son anda qəzadan şansının köməyi ilə xilas ola bilib.
Görüntülərdən piyadanın hadisənin şokundan bir müddət özünə gələ bilmədiyi və yolun ortasında donub qaldığı görünür.
