Sumqayıtda mikrorayonlardan birində lüklə bağlı təhlükəli vəziyyət yaranıb.
Sumqayit24.az-a daxil olan məlumata görə, problem 17-ci mikrorayonda, piyada zolağının üzərindəki kanalizasiya xəttinin qapağında yaranıb.
Sakinlərin sözlərinə görə, uzun müddətdir ki, lükün üzəri müvəqqəti olaraq dəmir parçası ilə örtülüb. Lakin avtomobillərin üzərindən keçməsi nəticəsində həmin dəmir yerindən tərpənir və lük açıq vəziyyətdə qalır.
Qeyd olunub ki, bəzən ərazidən keçən vətəndaşlar dəmiri yerinə qoyaraq təhlükəni müvəqqəti aradan qaldırsalar da, problem qısa müddət sonra yenidən təkrarlanır.
Vətəndaşlar aidiyyəti qurumlardan mümkün bədbəxt hadisələrin qarşısının alınması üçün problemin qısa zamanda həll edilməsini tələb edirlər.
