Sumqayıtda 2.000 manata yaxın pul itirən şəxs polisə müraciət edib. Bu barədə Sumqayıt24-ə 9 sentyabr tarixində izləyicidən xəbər daxil olub.
Hadisə sentyabrın 8-i saat 13:30 radələrində 14-cü məhəllədə yerləşən “Heart of cakes” şirniyyat mağazasının qarşısında baş verib. Məlumata əsasən, mağazanın önündə park edilmiş avtomobildən enən şəxsin pul kisəsindən 1100 dollar yerə düşüb.
Təhlükəsizlik kameralarından göründüyü kimi, vəsait naməlum şəxs (ailə) tərəfindən götürülüb. Zərərçəkən polisə müraciət edib. Videoda görünən şəxsləri tanıyanlardan bizimlə əlaqə saxlamaları xahiş olunur.
