Sumqayıt şəhəri Koroğlu prospektində yaşayan sakinlər küçədə yaranmış problemlə bağlı narazılıqlarını ifadə edirlər.
Sumqayit24.az-a müraciət edən vətəndaşların sözlərinə görə, bir aydan çoxdur ki, kanalizasiya xəttinin təmiri məqsədilə yol qazılıb, lakin işlər yarımçıq saxlanılıb.
Qazıntı aparıldıqdan sonra ərazi əvvəlki vəziyyətinə qaytarılmayıb və yol bu günə qədər üstü açıq, qazılmış vəziyyətdə qalıb. Hazırda ərazidə hər hansı təmir və ya tikinti işləri də getmir.
Bu vəziyyət həm nəqliyyat vasitələrinin hərəkətində çətinlik yaradır, həm də piyadalar üçün təhlükə mənbəyinə çevrilib. Sakinlər aidiyyəti qurumlardan problemin qısa zamanda aradan qaldırılmasını, təmir işlərinin başa çatdırılmasını və yolun bərpa olunmasını xahiş edirlər.
