Sumqayıtda yanğın hadisəsi baş verib.
Sumqayit24.az-a daxil olan məlumata görə, hadisə şəhərin 45-ci məhəlləsində yerləşən 5 mərtəbəli yaşayış binasının aşağı hissəsində fəaliyyət göstərən obyektlərdən birində qeydə alınıb.
Sakinlərin sözlərinə əsasən, obyektin dam örtüyü hissəsində karton, quru yarpaqlar olub və binanın pəncərələrindən birindən atılan siqaret kötüyü həmin materialların alışmasına səbəb olub.
Hadisə yerinə Fövqəladə Hallar Nazirliyinin (FHN) əməkdaşları cəlb olunublar və yanğının söndürülməsi istiqamətində tədbirlər görülüb.
Məsələ ilə bağlı aidiyyəti quruma sorğu ünvanlanıb.
