Sumqayıtda yaşayan keçmiş məcburi köçkün ailələri məskunlaşdıqları binadakı ağır yaşayış şəraitindən narazılıq edirlər.
Sumqayit24.az-a daxil olan məlumata görə, söhbət 10 nömrəli peşə liseyinin ikinci korpusunda məskunlaşmış ailələrdən gedir.
Belə ki, bina həm qəzalı vəziyyətdədir, həm də sanitar-gigiyenik vəziyyət olduqca acınacaqlıdır.
Yerli sakinlərin məlumatına əsasən, uzun illərdir burada zəruri təmir işləri aparılmadığı üçün həyat şərtləri getdikcə daha da ağırlaşır.
Onlar aidiyyəti qurumlardan məsələyə diqqət ayrılmasını və problemlərinin həllini gözləyirlər.
