Sumqayıtda mikrorayonlardan birində yarımçıq qalan təmir işləri narazılıq yaradıb.
Sumqayit24.az-a daxil olan məlumata görə, 12-ci mikrorayonda, 10A avtobus marşrutunun hərəkət etdiyi yolda kanalizasiya sisteminin çökməsi səbəbindən qazıntı və təmir işləri aparılıb. Hazırda isə ərazidə texnikalar olsa da, sakinlər işlərin dayandığını iddia edirlər.
Onların sözlərinə görə, artıq iki aydan çoxdur ki, təmir işlərinə başlanılıb, lakin hələ də yekunlaşdırılmayıb. Sakinlər iddia edirlər ki, son 20 gündür ərazidə heç bir işçi görünmür və hər hansı fəaliyyət müşahidə olunmur.
Vətəndaşlar yarımçıq qalan işlərin gediş-gəlişdə çətinlik yaratdığını bildirərək problemin qısa müddətdə həll olunmasını istəyirlər.
