Sumqayıtda yeni istirahət məkanının açılışı olub.
Belə ki, "Yaşıl dərə" yaşayış massivində, şəhid Əliyar Əliyev adına küçədə yeni park istifadəyə verilib.
Parkın ümumi sahəsi 3 min kvadrat metrdir. Belə ki, 915 kvadrat metr sahədə yaşıl qazon salınıb, 1375 kvadrat metr əraziyə tamet döşənərək piyadaların rahat və təhlükəsiz hərəkəti təmin olunub. Bundan başqa, uşaqların əyləncəsi və asudə vaxtının səmərəli təşkili məqsədilə 475 kvadrat metr hissədə xüsusi oyun və əyləncə zonası yaradılıb.
Parkın yaşıllıq zolağında 200 ədəd eldar şamı ağacı, 500 ədəd müxtəlif növ dekorativ kol bitkisi və 1000 ədəd mövsümi gül əkilib. Ərazidə sakinlərin istirahəti üçün 30 ədəd oturacaq quraşdırılıb, gecə saatlarında parkın işıqlandırılması məqsədilə 15 ədəd işıq dirəyi istifadəyə verilib.
Video: Sumqayıt Bələdiyyəsi
