Sumqayıtda məhəllələrin birində yaranmış vəziyyət sakinlərin narazılığına səbəb olub.
Sumqayit24.az-a daxil olan məlumata görə, 45-ci məhəllədə, uşaq meydançasında bir neçə ay əvvəl quraşdırılmış yelləncəklər artıq yararsız vəziyyətə düşüb.
Sakinlərin sözlərinə görə, bəzi uşaqlar yelləncəklərdən düzgün istifadə etmədikləri üçün avadanlıq qırılıb və hazırda istifadəyə yararsız hala gəlib.
Şikayətçilər bir tərəfdən vətəndaşları ictimai əmlaka daha məsuliyyətlə yanaşmağa çağırır, digər tərəfdən isə aidiyyəti qurumlardan uşaq meydançasındakı yelləncəklərin təmir olunmasını xahiş edirlər.
