Sumqayıtda bir müddət əvvəl istifadəyə verilən uşaq əyləncə mərkəzinin baxımsız vəziyyəti sakinlərin narazılığına səbəb olub.
Sumqayit24.az-a daxil olan məlumata görə, 17-ci mikrorayonda, 36 saylı yataqxananın arxasında yerləşən məhəllədaxili uşaq oyun sahəsi hazırda yararsız vəziyyətdədir.
Belə ki, ərazidəki oturacaqların bir neçəsi qırılıb, yelləncəklərin bəziləri sıradan çıxıb, bəziləri isə ümumiyyətlə yerində yoxdur. Bu səbəbdən uşaqlar üçün nəzərdə tutulmuş oyun avadanlıqlarının əksəriyyətindən istifadə etmək mümkün deyil.
Sakinlər aidiyyəti qurumların məsələ ilə maraqlanaraq ərazidə təmir və yenilənmə işləri aparmasını istəyirlər.
