Sumqayıtda yarımçıq qalan təmir işləri sakinlərin narazılığına səbəb olub.
Sumqayit24.az-a daxil olan məlumata görə, Koroğlu küçəsində müəyyən təmir işləri həyata keçirilib. Lakin görülən işlərdən sonra yolun asfalt örtüyü bərpa edilməyib.
"Artıq bir ilə yaxındır ki, yol bu vəziyyətdədir. Belə hal həm nəqliyyat vasitələrinin hərəkətində, həm də piyadaların gediş-gəlişində ciddi çətinliklər yaradır", - deyə sakinlər bildiriblər.
Vətəndaşlar aidiyyəti qurumlardan yolun asfaltlanmasını tələb edirlər.
