Sumqayıtda gecələr bir sıra küçələrdə işıqlandırmanın söndürülməsi narazılığa səbəb olub.
Sumqayit24.az-a müraciət edən vətəndaşın sözlərinə görə, gecəyarısından sonra hətta şəhərin əsas və daha çox istifadə olunan küçələrində də işıqlar söndürülür. Bu isə həm piyadalar, həm də sürücülər üçün təhlükəli vəziyyət yaradır.
Bildirilib ki, Səməd Vurğun küçəsində hazırda genişmiqyaslı qazıntı işləri aparılır. Lakin küçə işıqlandırması olmadığından qazıntı sahəsi yalnız son anda görünür ki, bu da yol-nəqliyyat hadisəsi riskini artırır.
Oxşar vəziyyət Nizami küçəsində və Kotec qəsəbəsində də müşahidə olunur. Küçələrin qaranlıq qalması gecə saatlarında hərəkəti çətinləşdirir və təhlükəsizliklə bağlı ciddi narahatlıq yaradır.
