Sumqayıtda yararsız vəziyyətə düşən uşaq əyləncə guşəsi sökülür.
Sumqayit24.az xəbər verir ki, 2004-cü ildə Hacı Zeynalabdin qəsəbəsinin Xətai küçəsində yaradılan meydança son vaxtlar tamamilə baxımsız qalmışdı. Yelləncəklər, sürüşkənlər və idman qurğuları sıradan çıxaraq uşaqlar üçün təhlükə yaradırdı.
Hazırda ərazidə yenidənqurma işləri aparılır. Köhnə və yararsız qurğular sökülür, əvəzində uşaqlar üçün futbol meydançası salınır, həmçinin söhbətgah quraşdırılır.
