Sumqayıtda tibb işçilərinin tibbi tullantıların idarə olunmasına dair normativ tələblər barədə bilik və məlumatlılığını artırmaq məqsədilə görüşlər keçirilib.
Sumqayit24.az xəbər verir ki, tədbirlə 4 və 6 saylı Ailə Sağlamlıq Mərkəzlərində, eləcə də Sumqayıt Batıgöz Klinikasında baş tutub.
4 saylı Regional Ekologiya və Təbii Sərvətlər İdarəsinin əməkdaşları tərəfindən təşkil olunan görüşlər zamanı iştirakçılara tibbi tullantıların növləri, təhlükəsizlik tələblərinə uyğun çeşidlənməsi, müvəqqəti saxlanılması, daşınması və zərərsizləşdirilməsi qaydaları izah edilib, bu tullantıların düzgün idarə olunmamasının insan sağlamlığı və ətraf mühit üçün yarada biləcəyi risklər barədə ətraflı məlumat verilib.
Maarifləndirici görüşlər çərçivəsində tibbi tullantıların təhlükəsiz idarə olunmasının ekoloji təhlükəsizliyin təmin edilməsində və ictimai sağlamlığın qorunmasında mühüm rol oynadığı vurğulanıb.
