Sumqayıtdan olan gənc ictimai fəal, intellektual yarışların iştirakçısı, qalibi və təşkilatçısı Aydın Kərimli kitab toplama aksiyası keçirir. Sumqayıt24 bu haqda 17 iyul tarixində xəbər verir.
Aksiya Gənclərin İnkişaf və Karyera Mərkəzinin dəstəyi ilə “HedaCore” İOK tərəfindən təşkil olunub. Aydın Kərimli bildirib ki, toplanan kitablar Şabran rayonunun ucqar kəndlərində yaşayan şəxslərə hədiyyə ediləcək:
“İstifadə etmədiyiniz bədii, yaxud son nəşr olan test kitablarınız varsa, onları ehtiyacı olan insanlara çatdırmaq üçün bu layihəyə start verdik. Elə isə siz də bu aksiyanın bir parçası olmaq istəyirsinizsə, kitablarınızı bizim toplama qutularımıza qoymağa tələsin!”
Sözügedən qutular “Kibrit” Kitab Klubunda yerləşir (13-cü mikrorayon, “Everest” gül salonunun yanı). Bakı və ya digər bölgələrdən dəstək olmaq istəyənlər, yaxud sualı olanlar (070) 819-18-73 nömrəsi ilə əlaqə saxlaya bilərlər.
Kitablar 22 iyuladək toplanılacaq və ertəsi gün paylanılacaq.
Qeyd edək ki, aksiyadan əvvəl, iyulun 23-də Şabran rayon Heydər Əliyev Mərkəzində 14-29 yaşlı gənclər arasında intellektual oyun baş tutacaq.
