Sumqayıtlı şəhidlərin 12-14 yaş aralığında olan övladları 2-ci “YAŞAT” düşərgəsində iştirak edirlər. Sumqayıt24 bu barədə 4 avqust tarixində sosial şəbəkələrə istinadən xəbər verir.
“YAŞAT” Fondu və “ASAN Könüllüləri”nin təşkil etdiyi düşərgənin 4-cü həftəsində şəhərimiz də daxil olmaqla, Bakı, Gəncə, Bərdə, Mingəçevir, Qəbələ, Kürdəmir və Sabirabaddan ümumilikdə 31 uşaq qatılıb.
Psixoloqların müşayiəti ilə uşaqların bir-birini tanıması üçün komanda oyunları təşkil olunub. Daha sonra onlar qrup şəklində voleybol, futbol və masaüstü oyunlar oynayıblar.
Qeyd edək ki, düşərgə iştirakçılarını maraqlı görüşlərdə iştirak, intelektual oyunlar və ustad dərsləri gözləyir.
