Sumqayıt gənci Famil Pirəliyev "Gənc ekosəfir" təyin olunub. Sumqayıt24 bu haqda 22 iyul tarixində xəbər verir.
"Regionun gənc ekosəfirləri" proqramı "Yaşıl dünya naminə həmrəylik ili" çərçivəsində Gənclərin İnkişaf və Karyera Mərkəzi tərəfindən həyata keçirilib.
Layihənin məqsədi gənclərin iqlim dəyişikliyinin təsirləri və həlli istiqamətində ictimai iştirakçılığını stimullaşdırmaq, onların iqlim dəyişikliyi, ekologiyaya dair maarifləndirilməsi və bu istiqamətdə müxtəlif fəaliyyətlərin təşkilidir.
Qeyd edək ki, Famil Sumqayıt Dövlət Texniki Kollecində oxuyur. O, Tələbə Gənclər Təşkilatının sədridir.
