Bu gün 15 may - Beynəlxalq Ailə Günüdür.
Beynəlxalq Ailə Günü BMT-nin Baş Assambleyasının qətnaməsinə müvafiq olaraq 1994-cü ildən qeyd olunur. Azərbaycan 2008-ci ildən bu ənənəyə qoşulub.
Ailə cəmiyyətin təməlidir. O, sevgi, hörmət, qarşılıqlı dəstək və mənəvi dəyərlərin qorunduğu ən müqəddəs məkandır. Məhz ailədə formalaşan sağlam münasibətlər gələcək nəslin tərbiyəsinə, cəmiyyətin inkişafına və milli-mənəvi dəyərlərin yaşadılmasına xidmət edir. Sağlam ailə sağlam cəmiyyətin əsasını təşkil edir.
Azərbaycan xalqı tarix boyu ailə dəyərlərinə böyük önəm verib. Böyüyə hörmət, kiçiyə qayğı, birlik və həmrəylik kimi prinsiplər ailələrimizin əsas dayağı olub.
Sumqayıtlılar, siz nə düşünürsünüz? Ailə sizin üçün nədir və ailəni "ailə" edən əsas dəyərlər hansılardır?
