Sumqayit24.az redaksiyası Sumqayıt sakinlərinin Milli Məclisdə onları təmsil edən deputatları tanıyıb-tanımadıqlarını və onların fəaliyyətini necə qiymətləndirdiklərini öyrənmək üçün Facebook səhifəsində genişmiqyaslı sorğu keçirib.
Paylaşım qısa müddətdə böyük rezonans doğuraraq yüzlərlə şərh toplayıb. Lakin interaktivin nəticələri, yumşaq desək, ürəkaçan olmayıb və şəhərdə kifayət qədər ciddi bir problemi — sakinlərlə millət vəkilləri arasında tam bir informasiya vakuumunun olduğunu üzə çıxarıb.
Şərhlərin mütləq əksəriyyəti tək bir fikirdə birləşir — sumqayıtlılar öz dairələrinin deputatlarını şəxsən tanımır, onlarla heç vaxt qarşılaşmayıb və nə işlə məşğul olduqlarından tamamilə xəbərsizdirlər. Oxucular öz narazılıqlarını və ironiyalarını gizlətməyiblər.
Auditoriyamızın kəskin reaksiyasından görünür ki, sumqayıtlıların əsas gileyi deputatların fəaliyyətində heç bir görünən işin və hesabatlılığın olmamasıdır.
Qarşı tərəfin, yəni millət vəkillərinin mövqeyini dərc etməyə hazırıq.
Sözügedən sorğu ilə buradan tanış ola bilərsiniz:
