Bu gün sumqayıtlı şəhidin doğum günüdür.
Anar Heydərov 1 iyun 1988-ci ildə Sumqayıtda anadan olub. Sumqayıt şəhəri Cəlil Səfərov adına 10 saylı orta məktəbdə təhsil alıb. Ali təhsilini isə Heydər Əliyev adına Azərbaycan Ali Hərbi Məktəbində alıb. Evli idi. İki övladı yadigar qalıb.
Anar Heydərov 2006-cı ildən Azərbaycan Silahlı Qüvvələrinin sıralarında zabit olub. Tarixə Aprel döyüşləri olaraq yazılan hərbi əməliyyatlarda iştirak edib.
Azərbaycan Ordusunun kapitanı olan Anar Heydərov 2020-ci il sentyabrın 27-də başlanan Vətən müharibəsində iştirak edib. Suqovuşanın azadlığı uğrunda gedən döyüşlərdə vuruşub. Anar Heydərov 3 oktyabr 2020-ci ildə Tərtər rayonunun Suqovuşan qəsəbəsində döyüş tapşırığının yerinə yetirilməsi zamanı şəhid olub. Sumqayıt şəhərinin Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Anar Heydərov ölümündən sonra "Vətən uğrunda", "Suqovuşanın azad olunmasına görə" medalları, III dərəcəli "Rəşadət" ordeni ilə təltif edilib.
