Bu gün sumqayıtlı şəhidin doğum günüdür.
Ruslan Məmmədov 1997-ci il iyunun 6-da Sumqayıt şəhərində anadan olub. Orta təhsilini Sumqayıt şəhər 37 saylı məktəbdə, ali təhsilini isə Azərbaycan Texnologiya Universitetində alıb. Subay idi.
Azərbaycan Ordusunun leytenantı olan Ruslan Məmmədov 2020-ci il sentyabrın 27-də başlanan Vətən müharibəsi zamanı Tərtər rayonunun Suqovuşan qəsəbəsinin azadlığı uğrunda gedən döyüşlərdə savaşıb. Ruslan Məmmədov noyabrın 1-i Suqovuşan istiqamətində şəhid olub. Sumqayıt Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Ruslan Məmmədov ölümündən sonra "Vətən uğrunda", "Suqovuşanın azad olunmasına görə", "Laçının azad olunmasına görə" medalları ilə təltif edilib.
