Saray qəsəbəsi, Ənvər Məmmədxanlı küçəsində yaşayan sakinlər yollarının bərbad vəziyyətdə olmasından şikayətlənirlər.
Onlar iddia edirlər ki, bununla bağlı dəfələrlə aidiyyəti qurumlara müraciət etsələr də, onların şikayətlərinə baxan yoxdur.
Məlumata görə, 20 ildən artıqdır ki, sözügedən yerdə bu cür vəziyyət hökm sürür və ərazidə beş minə yaxın sakin yaşayır.
Saray qəsəbəsi bələdiyyəsindən isə bildirilib ki, ərazidə ümumilikdə 378 küçə mövcuddur:
"Qeyd olunan Ənvər Məmmədxanlı küçəsində də həm icra nümayəndiliyi, həm də qəsəbə bələdiyyəsi tərəfindən bu vaxta qədər abadlıq işləri görülüb, çınqıl və müxtəlif yol örtükləri tökülərək yayılıb. Buna baxmayaraq, küçənin asfaltlanması Saray bələdiyyəsinin planına daxil edilib və bələdiyyənin büdcəsi formalaşdıqca küçələrin asfaltlanması nəzərdə tutulub".
Video: Baku Tv
