Sumqayıtda “Dahi Bəstəkar” adlı tədbir baş tutub. Sumqayıt24 bu haqda 23 noyabr tarixində Regional Mədəniyyət İdarəsinə (RMİ) istinadən xəbər verir.
Fikrət Əmirovun 100 illik yubileyinə həsr olunan tədbir bəstəkarımızın adını daşıyan 5 nömrəli Uşaq musiqi məktəbinin kollektivi tərəfindən keçirilib. Qonqalara onun həyat və yaradıcılığından məlumat verilib.
İlk növbədə, Əməkdar mədəniyyət işçisi Vaqif Süleymanovun rəhbərlik etdiyi RMİ-nin xalq çalğı alətləri orkestri çıxış edib. Sonra məktəbin müəllim və şagirdlərinin ifasında dahi bəstəkarın ”Gözün aydın” musiqili komediyasından “Rəqs”, ”Şeyx Sənan” operasından “Kor ərəbin mahnısı”, ”Gülür ellər”, ”Mən səni araram”, ”Reyhan”, ”Qarabağ inciləri” və başqa əsərləri səsləndirilib.
Qeyd edək ki, tədbirdə Mədəniyyət idarəsinin rəisi Rəşad Əliyev də iştirak edib.
