Qara Qarayev adına 1 nömrəli Uşaq Musiqi məktəbinin şagirdləri nailiyyətlər qazanıblar. Bu barədə 24 sentyabr tarixində Sumqayıt24 xəbər verir.
Təmsilçilərimiz Belarusun paytaxtı Minsk şəhərində onlayn keçirilən “Qış melodiyası” adlı beynəlxalq müsabiqədə iştirak ediblər. Məktəbə gələn müsabiqə rəhbəri Yelena Muxina onlara diplomlar təqdim edib.
Belə ki, fortepiano şöbəsinin 3-cü sinif şagirdləri Səid Vəlizadə, Zəhra Kərimova, 4-cü sinif şagirdləri Ayla Pənahova, Atilla Quliyev, Çingiz Ələsgərov, 5-ci sinif şagirdləri Aysu Məmmədzadə, Mədinə Qurbanlı, 6-cı sinif şagirdi İnci Vəlizadə və 7-ci sinif şagirdi Nəzrin Rüstəmova Laureat adını qazanaraq 1-ci yerə layiq görülüblər.
Onları müsabiqəyə müəllimləri Esmira Əliyeva, Sevda Ələkbərli və Təranə Eminli hazırlayıblar.
