Şəhid Tərlan Məmmədovun mövlud günüdür.
Tərlan Məmmədov 31 avqust 1996-cı ildə Sumqayıtda anadan olub. 2003-2013-cü illərdə H.Z. Tağıyev qəsəbəsi 19 nömrəli məktəbdə, 2013-2015-ci illərdə isə Ceyranbatan qəsəbə 147 nömrəli peşə məktəbində oxuyub. Subay idi.
Məmmədov 2015-2017-ci illərdə Gəncə şəhərində, sonra isə Gədəbəy rayonunda müddətli həqiqi hərbi xidmətdə olub. Vətən müharibəsi zamanı Füzulinin azadlığı uğrunda vuruşub, 8 oktyabr 2020-ci ildə burada şəhadətə ucalıb.
Şəhid Sarayda torpağa tapşırılıb. Qəsəbənin küçələrindən birinə onun adı verilib. Ölümündən sonra “Vətən uğrunda” və “Füzulinin azad olunmasına görə” medallarına layiq görülüb.
