Xəzər dənizinin suyu Sumqayıt şəhəri sahillərində onlarla metr geri çəkilib.
Sumqayit24.az xəbər verir ki, son illər suyun geri çəkilməsi prosesi sürətlə davam edir. Dənizin səviyyəsinin enməsinə görə, sahildə bərk məişət tullantıları üzə çıxır.
Bugünlərdə “Sumqayıt Bulvar” MMC həmin tullantıların ərazidən yığılması, daşınması və zərərsizləşdirilməsi işlərinə başlayır. Bu işlərə zibillərin ekskavatorla toplanaraq 15 km məsafəyə daşınması və zərərsizləşdirilməsi də daxildir.
Qurum sözügedən işlərin icrasına 65.863,82 manat vəsait xərcləyəcək.
