Xarici şirkətə məxsus nəqliyyat vasitəsini oğurlamaqda təqsirləndirilən Sumqayıt sakininin məhkəməsi başlayır. Sumqayıt24 bu haqda 4 avqust tarixində Report.az-a istinadən xəbər verir.
Söhbət Xocavənd rayonu ərazisində “Hovo” markalı yük maşınını oğurlamaqda təqsirləndirilən Elnur Alıpaşayev, İsmayıl Məmişov və Sumqayıt sakini Zahir Əsədullayevdən gedir. İş baxılması üçün Bakı Ağır Cinayətlər Məhkəməsinə göndərilib və hakim Zeynal Ağayevin sədrliyi ilə araşdırılacaq.
Hazırlıq iclasının vaxtı hələ məlum deyil.
