Bu gün Vətən müharibəsi şəhidi Asiman Allahverdiyevin mövlud günüdür.
Azərbaycan Xüsusi Təyinatlı Qüvvələrinin əsgəri Asiman Niyaz oğlu Allahverdiyev 1998-ci ildə Sumqayıt şəhərində anadan olub.
Asiman 2004-2013-cü illərdə Sumqayıt şəhər fars-ingilis dilləri təmayüllü tam orta internat məktəbində, 2013-2015-ci illərdə isə peşə liseyində “kompüter operatoru” ixtisası üzrə orta təhsil alıb. Subay idi.
Allahverdiyev 2020-ci il sentyabrın 27-də başlanan Vətən müharibəsi zamanı Xocəvənd və Cəbrayıl istiqamətlərində gedən döyüşlərdə iştirak edib. Oktyabrın 9-da Füzuli rayonu ərazisində döyüş tapşırığını yerinə yetirərkən düşmən tərəfindən açılan atəş nəticəsində aldığı xəsarətdən şəhid olub. Sumqayıt Şəhidlər xiyabanında dəfn edilib.
Ölümündən sonra “Hərbi xidmətlərə görə” və “Füzulinin azad olunmasına görə” medallarına layiq görülüb.
