Sumqayıtda yağışlı hava sakinlərin kabusuna çevrilib.
"Tuqzavod" adlanan ərazidə yerləşən yaşayış binasının acınacaqlı vəziyyəti sakinlərin narazılığına səbəb olub. Bununla bağlı Sumqayit24.az-a müraciət edən vətəndaş bildirib ki, ev-1 uzun müddətdir baxımsız qalıb və bina artıq yaşamaq üçün təhlükəli vəziyyətə düşüb.
Sakinlərin sözlərinə görə, tikilinin tavanı və divarları uçub-dağılır, pəncərələr isə yararsız haldadır. Ən ciddi problem isə yağışlı havalarda yaranır. Belə ki, leysan zamanı tavandan bloka və mənzillərə su axır, nəticədə sakinlərin evlərinə və əmlakına ciddi ziyan dəyir.
Vətəndaşlar aidiyyəti qurumlardan binanın təmir olunmasını və problemin qısa zamanda həllini tələb edirlər.
