Sumqayıt-Bakı yolunda ona yol verməyən sürücüyə qarşı əxlaqsız hərəkətlər edən şəxs həbs olunub.
Qaynarinfo.az-ın məlumatına görə, 40 yaşlı Sumqayıt sakini P.D.-yə İnzibati Xətalar Məcəlləsinin 510-cu maddəsi ilə protokol tərtib edilib və iş baxılması üçün məhkəməyə göndərilib.
Məhkəmədə məlum olub ki, ali təhsilli olan P.D. "Toyota Rav 4" markalı avtomobillə Sumqayıtdan Bakı istiqamətində hərəkətdə olarkən, O.V. idarə etdiyi maşınla düzgün manevr etməyərək, toz qaldıraraq onun yanından keçib. P.D. də cavab olaraq avtomobilini onun maşınının qarşısına sürüb və onu təhqir edib. Daha sonra əlinin orta barmağını havada aşağı-yuxarı hərəkət etdirərək ona qarşı qeyri-etik hərəkətlər edib. Zərərçəkmiş şəxs P.D.-dən şikayətçi olduğunu bildirib.
Məhkəmənin qərarı ilə P.D. 5 gün həbs edilib.
