Qazaxıstanda Yaponiya hökuməti və BMT-nin İnkişaf Proqramının (UNDP) birgə həyata keçirdiyi, Xəzər dənizinin sürətlə dayazlaşmasının qarşısını almağa yönəlmiş irimiqyaslı layihəyə start verilir.
Sumqayit24.az xarici KİV-ə istinadən xəbər verir ki, bu təşəbbüs yalnız ekologiya ilə məhdudlaşmır. Layihə həm də Asiya ilə Avropanı birləşdirən və ötən il "Mərkəzi Asiya + Yaponiya" formatında fəal müzakirə olunan Transxəzər Beynəlxalq Nəqliyyat Marşrutu (TBNM) ilə birbaşa əlaqəlidir.
Tokio üçün Xəzər regionunun sabitliyi artıq strateji əhəmiyyət daşıyır. Xəzərin sürətlə dayazlaşması təkcə həssas ekosistemlərə təhlükə yaratmır, eyni zamanda mühüm nəqliyyat arteriyalarını zəiflətmək, əsas limanların fəaliyyətini iflic etmək və Asiya ilə Avropanı birləşdirən strateji Orta Dəhliz vasitəsilə ticarətin inkişafı planlarını sual altına almaq riski yaradır.
