Prezident İlham Əliyev İnzibati Xətalar Məcəlləsinə edilən dəyişikliyi təsdiqləyib. Sumqayıt24 bu haqda 24 iyul tarixində xəbər verir.
Məcəlləyə yeni 189-3-cü maddə (Yetkinlik yaşına çatmayan şəxslər barəsində dini kəbinkəsmə) əlavə edilib. Maddəyə əsasən, fiziki şəxslər yetkinlik yaşına çatmayanların kəbinini kəsməyə görə 1000 manat cərimələnəcəklər.
Həmin şəxslər növbəti bir il ərzində əməli təkrar törədərlərsə, 2000 manat məbləğdə cərimə ediləcək və ya işin hallarına görə, pozuntunu törədənin şəxsiyyəti nəzərə alınmaqla 15 gündən bir ayadək müddətə inzibati həbs olunacaqlar.
Qeyd edək ki, qanun 2025-ci il iyulun 1-dən qüvvəyə minir.
