G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
Yetkinlik yaşına çatmayanların toy və nişan mərasimlərini keçirənlər cərimələnəcəklər. Bu haqda 24 iyul tarixində Sumqayıt24 xəbər verir.
Bu barədə Prezident İlham Əliyev İnzibati Xətalar Məcəlləsinə edilən dəyişikliyi təsdiqləyib. Məcəlləyə yeni, 189-2-ci maddə əlavə edilib.
Maddəyə əsasən:
- ictimai iaşə obyektlərini idarə edən şəxslər tərəfindən yetkinlik yaşına çatmayan şəxslərin erkən evliliyi ilə bağlı mərasimlərin (nişan, toy və digər mərasimlər) keçirilməsinə görə fiziki şəxslər 1 000 manatdan 1 500 manatadək məbləğdə;
- vəzifəli şəxslər 3 000 manatdan 4 000 manatadək məbləğdə;
- hüquqi şəxslər 6 000 manatdan 9 000 manatadək məbləğdə cərimə ediləcəklər.
Məcəllənin 189-2.1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən 1 il ərzində təkrar törədilməsinə görə fiziki şəxslər
2 000 manatdan
2 500 manatadək məbləğdə, vəzifəli şəxslər
5 000 manatdan
6 000 manatadək məbləğdə, hüquqi şəxslər
10 000 manatdan
13 000 manatadək məbləğdə cərimə olunacaqlar.
Qanun 2025-ci il iyulun 1-dən qüvvəyə minəcək.
