İnşaatçılar qəsəbəsində sakinlər illərdir yol və kanalizasiya problemindən əziyyət çəkirlər. Bu haqda 11 aprel tarixində Sumqayıt24 Oxu.az-a istinadən məlumat verir.
“Beton zavod” yaşayış massivi adlanan ərazidə 3 minə yaxın sakin yaşayır. Sakinlər iddia edirlər ki, aidiyyəti qurumlara dəfələrlə müraciət etsələr də, məsələ həllini tapmır:
“Yollarımız bərbad vəziyyətdədir, bura baxan yoxdur. Palçıqda getmək olmur. Yağış düşən kimi kanalizasiya daşır, yolu tutur. Təcili tibbi yardım çağırırıq, gələnə kimi xəstə artıq can verir”.
Məsələ ilə bağlı Sumqayıt Bələdiyyəsindən bildirilib ki, cari il ərzində şəhərin bir sıra ərazilərində geniş asfaltlanma işləri nəzərdə tutulub, “Beton zavod” yaşayış massivi də həmin siyahıya daxildir.
