Sumqayıtda yerli sakinləri bezdirən problemlər tükənmir.
Sumqayit24.az-a daxil olan məlumata görə, İnşaatçılar qəsəbəsində şəraitsizlik hökm sürür.
Şikayətçilərin məlumatına əsasən, illərdir yollar bərbad vəziyyətdədir:
"Sakinlər, xüsusilə də uşaqlar məktəbə getməkdə ciddi çətinlik çəkirlər".
Bundan əlavə, sözügedən yerdə aptek olmaması da ciddi narahalıq doğurub.
"Dərman almaq üçün olmayan yollarla şəhərin mərkəzinə getmək məcburiyyətində qalırıq. Bu cür şəritsizlikdən bezmişik", - deyə sakinlərdən biri qeyd edib.
Bundan əlavə, ərazidə antisanitar vəziyyət hökm sürür. Belə ki, şikayətçilərin bildirdiyinə görə, zibil qutuları vaxtında boşaldılmır.
Vətəndaşlar aidiyyəti qurumlardan sadalanan problemlərin həll edilməsini tələb edirlər.
