Nazirlər Sumqayıtda protokol imzalayıb. Sumqayıt24 bu haqda bu gün, 17 fevral tarixində AZƏRTAC-a istinadən yazır.
“İstedad” liseyində Təhsil naziri Emin Əmrullayev və Rəqəmsal İnkişaf və Nəqliyyat naziri Rəşad Nəbiyev görüşüblər. Onların arasında əməkdaşlığa dair Niyyət Protokolu imzalanıb.
Əsas məqsəd ümumi təhsil müəssisələri üçün rəqəmsallaşma, innovasiyalar və təhsilin inkişafına töhfə verməkdir.
Məlumata görə, bu çərçivədə ilk olaraq sözügedən liseyin nəzdində “İnnovasiyalar” mərkəzi yaradılacaq. Mərkəzin yaradılması riyaziyyat, informatika, robototexnika sahəsində istedadlı şagirdlərin aşkar edilməsi, onların potensialının inkişaf etdirilməsi, informasiya texnologiyaları üzrə bacarıqlarının, kodlaşdırma qabiliyyətlərinin artırılması, eləcə də şagirdlərin yerli və beynəlxalq olimpiadalara, müsabiqələrə hazırlanmasının təşkili məqsədini daşıyır.
Sonda nazirlər təhsil müəssisəsində yaradılmış şəraitlə tanış olub, şagirdləri maraqlandıran suallara cavab verib.
