Kotec qəsəbəsinin sakinləri yolların vəziyyətindən narazıdırlar. Sumqayıt24 bu haqda 10 fevral tarixində xəbər verir.
Məmməd Araz və Qorki küçələrinin kəsişməsində yol yararsızdır, piyada səkiləri isə yoxdur. İnsanlar məcburən avtomobil yolu ilə, avtomobillər isə çalalara düşməmək üçün “ilanvari” hərəkət edirlər. Bu səbəbdən ərazidə tez-tez qəza şəraiti yaranır.
Sakinlərin sözlərinə görə, son dəfə bu küçə 2007 - ci ilin yaz aylarında asfaltlanıb:
“Qonşu küçəyə 2020-ci ilin sentyabr ayında uzun sürən fasilədən sonra asfalt örtüyü vurulub. Həmin küçədə problem su borusuna görə uzun illər qalmışdı. Amma bu ərazidə belə bir problem yoxdur”.
