Sumqayıt şəhərinin Corat qəsəbəsində yolların vəziyyəti pisləşib.
Sumqayit24.az-a müraciət edən yerli sakinin sözlərinə görə, güclü leysan yağışından sonra ərazidə, xüsusilə də 4 nömrəli marşrut avtobuslarının son dayanacağının yaxınlığında iri gölməçələr əmələ gəlib.
Nəticədə həm piyadaların, həm də avtomobillərin hərəkəti xeyli çətinləşib. Yağış sularının yollarda uzun müddət qalması sürücülərin işini çətinləşdirir, piyadalar isə bataqlığa çevrilmiş küçələri keçməkdə ciddi problemlərlə üzləşirlər.
Bu vəziyyət təkcə dünən yağan leysanla bağlı deyil, ümumiyyətlə, yağışlı havalarda Corat qəsəbəsinin yolları tez-tez keçilməz hala düşür. Bu problem illərlə mövcuddur və aidiyyəti qurumlar hələ də tədbir görməyib.
