Sumqayıtda məktəb yolunda piyada səkisi yoxdur. Bu haqda 16 mart tarixində Sumqayıt24 Sumqayit.tv-yə istinadən məlumat verir.
Şəhərin 4-cü mikrorayon ərazisində yerləşən 14 saylı məktəbə gedən yolda piyadaların təhlükəsiz hərəkəti təmin olunmayıb. Sakinlərin sözlərinə görə, bu yoldan istifadə edən insanlar təhlükə ilə üzləşirlər.
“İkitərəfli yolda avtomobillər çox sürətlə hərəkət edir. Bir çox hallarda valideynlər uşaqları məktəbə özləri aparmalı olurlar ki, məktəbliləri maşın vurmasın”, – deyə şikayətçilər bildiriblər.
